InnovAiR @ the VDC huwa l-programm għall-artisti u disinjaturi f’Residenza tal-Aġenzija Kulturali għall-Belt Valletta, li joffri spazju, konnessjonijiet u ideat lill-artisti u lill-prattikanti tad-disinn biex jiżviluppaw proġetti innovattivi fuq perjodu sa tliet xhur.
Is-Sejħa għall-parteċipazzjoni fil-programm hija miftuħa s-sena kollha u taċċetta proposti dwar suġġetti differenti relatati mad-disinn, l-innovazzjoni u s-sostenibbiltà sena wara sena. Il-Valletta Design Cluster joffri akkomodazzjoni fil-qalba tal-Belt Valletta, spazju tax-xogħol u konnessjonijiet mal-komunitajiet lokali u prattikanti oħra rilevanti għall-proġett tiegħek.
Sib is-sejħa fit-taqsima Opportunitajiet ta’ din il-websajt u applika biex twettaq residenza fil-VDC.
