Din l-attività hija għal dawk li għandhom għal qalbhom il-mużika rock! Klinsmann and band se jkunu qed idoqqu u jkantaw kanzunetti rock klassi bħal dawk ta’ Bruce Springsteen, Bon Jovi, Queen, U2 u John Lennon, b’laqta tal-Milied.

Klinsmann huwa mużiċist, kantant u kittieb tal-mużika Malti. Hu beda l-karriera mużikali tiegħu fl-2000 fl-età ta’ 10 snin. Klinsmann huwa l-aktar magħruf għall-fatt li kien ipparteċipa fil-Eurovision Song Contest fl-2007 u rnexxielu jiġi fit-tielet post bil-kanzunetta “She Gives Me Wings”. Bejn l-2016 u l-2017 Klinsmann reġa’ pparteċipa fil-Malta Eurovision Song Contest bil-kanzunetta “Laserlight”.

Fl-2014 hu fforma l-Band ta’ Rock Alternattiv bl-isem ta’ “Planet Seed” u beda jikteb il-kreazzjonijiet mużikali tiegħu għall-banda. Bejn l-2014 u l-2015, Planet Seed ħarġet żewġ kanzunetti bl-isem ta’ “Want you To Know” u “Who We Are”. Aktar tard Klinsmann kiteb diska oħra għall-Band bl-isem ta’ “Follow Me”. Il-Band irnexxielha tkun mal-ewwel 10 f’Malta għal 4 ġimgħat u dan kien il-bidu għall-ewwel Tour ta’ Planet Seed. Hi għamlet prestazzjonijiet live f’Malta, fil-Polonja, fil-Ġermanja, fl-Ingliterra u fl-Italja għal udjenzi li jvarjaw minn 5,000 għal 15,000 persuna.

Din l-attività hija parti mill-Programm tal-Aġenzija Kulturali għall-Belt Valletta: Christmas in the Capital.