Qed tfittex biex tagħmel xi attivitajiet ta’ żmien il-Milied mat-tfal ċkejknin tiegħek? Kulma għandek tagħmel huwa li ġġibhom għal waħda mis-sessjonijiet tagħna li fihom se nkunu qed nagħmlu shadow-puppets bit-tema tal-Milied u Sarah u Caroline se jieħdu ħsieb il-kumplament!

It-tfal se jkunu qed joħolqu x-shadow-puppets tagħhom stess filwaqt li jitgħallmu l-kapaċitajiet kollha sabiex tittella’ prestazzjoni ta’ shadow-theatre. Il-materjal kollu meħtieġ se jkun qed jiġi pprovdut. Dawn is-sessjonijiet huma miftuħin għal tfal li għandhom bejn il-5 u l-10 snin u li jridu jkunu akkumpanjanti minn adult il-ħin kollu. Il-postijiet huma limitati. Dawk interessati jridu jirreġistraw billi jibagħtu email fuq info@vca.gov.mt u jinkludu isimhom, in-numru ta’ tfal li se jattendu u l-etajiet tagħhom, kif ukoll numru ta’ kuntatt.

Din l-attività hija parti mill-Programm tal-Aġenzija Kulturali għall-Belt Valletta: Christmas in the Capital.