Ingħaqad magħna għall-ewwel edizzjoni tat-Tinkering Days tal-Valletta Design Cluster – vetrina lokali tad-disinn u x-xogħol tal-idejn!

Ispirat mill-Moviment ta’ persuni kreattivi li jaħdmu bl-idejn magħrufa bħala ‘makers’ madwar id-dinja, dan l-avveniment eċċitanti jiċċelebra l-għerf u l-passjoni ta’ inventuri lokali, disinjaturi, u dilettanti ta’ kull età.

Tinkering Days -Programme

X’għandek tistenna:

Vetrina ta’ Talent Lokali: Esplora kreazzjonijiet inkredibbli minn artisti lokali bħal Denis Orlov, li l-pitturi tad-dawl tiegħu jużaw ħġieġ speċjali biex joħolqu kompożizzjonijiet multi-dimensjonali ta’ dwal. Wieħed jista’ jammira wkoll l-iskulturi tal-filugranu ta’ Mark Borg, li jħalltu s-sengħa tradizzjonali Maltija mal-innovazzjoni moderna.

Attivitajiet Interattivi: Involvie ruħek f’workshops u demos prattiċi, fosthom:

Magni Rube Goldberg għat-Tfal: Ibni r-reazzjonijiet katina tiegħek u l-magni li jiċċaqilqu.

LEGO Robotics: Oħloq u pprogramma r-robots tiegħek stess.

Ħoss Interattiv: Esplora s-sinteżi tal-awdjo f’ħin reali ma’ Beluga Corp.

Żona għat-Tfal: Gawdu minn xogħol tal-injam, qtugħ bil-lejżer, l-elettronika, u r-robotika ma’ Headstart.

Rakkmu: Tgħallem tekniki tar-rakkmu bil-magni flimkien ma’ The Secret Rose.

Kun parti minn Komunità: Iltaqa’ ma’ persuni bl-istess interessi tiegħak, ibni relazzjonijiet ġodda, aqsam l-ideat, u kun parti minn kollaborazzjonijiet ġodda. Skopri proġetti innovattivi u kun ispirat minn taħdidiet u preżentazzjonijiet interattivi.

Tgħallem & Kun Ispirat: Attendi workshops fuq kif taħmi l-ħobż u tagħmel il-butir ma’ Mark Camilleri, tgħallem dwar il-fuħħar ma’ Marica Lewis, u sir af aktar dwar l-arti sostenibbli ta’ Anton Abela.

Dan l-avveniment huwa perfett għal:

Inventuri u imħuħ kurjużi ta’ kull età – tfal, studenti, u adulti!

Kull min għandu passjoni għad-DIY, ix-xogħol bl-idejn, u l-esplorazzjoni kreattiva.

Ingħaqad magħna nhar is-Sibt, 14 ta’ Settembru mill-10:00am sas-6:00pm fil-Valletta Design Cluster.

Titlifx din iċ-ċans li tesplora l-kreattivita’ tiegħak!