Il-Purċissjoni tant maħbuba ta’ Ġesù Bambin tirritorna din is-sena, u tibda mill-Knisja tal-Madonna tal-Vittorji fi Pjazza Kastilja. Imdawla bix-xemgħat, din il-purċissjoni tistieden lill-familji u komunitajiet biex flimkien jiċċelebraw it-twelid ta’ Ġesù Bambin permezz tal-kant u t-talb.

Ir-rotta se tieħu lill-parteċipanti minn Kastilja lejn Triq Żakkarija, Triq ir-Repubblika, u Triq San Ġwann, u tikkonkludi fi Pjazza Tritoni. Matul il-purċissjoni, il-kor Cappella Musicale Caeciliana se jkanta live mill-gallarija tal-Kon-Katidral ta’ San Ġwann.

Ħdejn il-Kon-Katidral, wieħed jista jammira wkoll il-presepju tradizzjonali tal-Milied li huwa simbolu għażiż tat-twelid ta’ Gesu’ Bambin. Il-presepju jservi bħala tfakkira qawwija tal-oriġini umli tal-Milied u jipprovdi punt fokali sinifikanti għar-riflessjoni u t-talb.