L-edizzjoni ta’ din is-sena, kkurata mill-komunità tinkludi temi varji fosthom Films Klassiċi Moderni, Lejla ddedikata għall-Animazzjoni, Film Malti u Lejla għall-Familja. Il-films se jintwerew fid-9pm skont l-iskeda li ġejja:

It-Tlieta 24 ta’ Mejju – Little Miss Sunshine

L-Erbgħa 25 ta’ Mejju – Simshar

Il-Ħamis 26 ta’ Mejju – The Matrix

Il-Ġimgħa 27 ta’ Mejju – La Vita e Bella

Is-Sibt 28 ta’ Mejju – The Iron Giant

Ispirati mill-inizjattiva tal-UE Be Spectactive, l-Aġenzija Kulturali għall-Belt Valletta stiednet membri tal-udjenza biex isiru parteċipanti attivi f’dan l-avveniment ta’ wiri tal-films. Il-voluntiera ntalbu jaraw numru ta’ films li jaqgħu taħt ġeneri differenti mill-kumdità u s-sigurtà ta’ darhom stess, li minnhom ġew magħżula l-ħames films li se jintwerew. L-udjenza tista’ tgawdi dan il-wiri ta’ films fil-miftuħ, mingħajr ħlas.

Il-biljetti jistgħu jinkisbu mill-Aġenzija Kulturali għall-Belt Valletta fi Triq ir-Repubblika, il-Belt Valletta, bil-preżentazzjoni tal-Karta tal-Identità. Il-postijiet huma limitati u fuq bażi first come first served. Tista’ wkoll tibgħat email fuq vcacomms@gmail.com fejn tindika t-titlu tal-film, isem il-persuna li qed tirriserva l-biljetti u n-numru tal-karta tal-identità biex tirriserva l-postijiet.

Għal aktar informazzjoni ibgħat email lill-Aġenzija fuq info@vca.gov.mt.