Huwa stmat li 70,000 ruħ inġabru fi Pjazza San Ġorg, fit-toroq prinċipali fil-Belt Valletta, Pjazza Tritoni u madwar il-Port il-Kbir, fejn ittellgħet ħarqa spettakolari tal-logħob tal-ajru, biex jilqgħu l-bidu tas-sena 2026.
Iċ-ċelebrazzjonijiet inkludew spettaklu mill-isbaħ fi Pjazza San Ġorġ bi prestazzjonijiet minn numru ta’ artisti lokali prominenti — fosthom Glen Vella, Aidan Drakard, Denise, Gaia, Karin Duff, Keith Zammit Mintoff, Klinsmann u Miriana Conte. L-ispettaklu laħaq il-qofol tiegħu b’wirja mill-isbaħ mill-artist internazzjonali John Newman.
Iċ-ċelebrazzjonijiet laħqu l-quċċata f’nofsillejl b’wirja spettakolari ta’ logħob tan-nar fil-Port il-Kbir, l-ikbar waħda li qatt saret għaċ-ċelebrazzjonijiet ta’ Lejlet l-Ewwel tas-Sena. Folol kbar inġabru f’diversi postijiet madwar il-Port il-Kbir biex igawdu dan l-ispettaklu spettakolari fl-isfond sabiħ tal-Port il-Kbir.
Iċ-Ċelebrazzjonijiet ġew ppreżentat mill-preżentaturi Ron, Jamie Cardona u Taryn Mamo Cefai, li wkoll ħadmu fuq kanzunetta speċjali għal-lejla.
Din kienet l-ikbar ċelebrazzjoni ta’ Lejlet l-Ewwel tas-Sena li qatt saret fil-Belt Valletta, u kienet ukoll il-konklużjoni tal-programm tal-Aġenzija Kulturali għall-Belt Valletta, li mmarkat sena ta’ suċċess ta’ attivitajiet organizzati mill-Aġenzija.
Iċ-Ċelebrazzjonijiet Nazzjonali ta’ Lejlet l-Ewwel tas-Sena fil-Belt Valletta huma organizzati minn G7 Events u appoġġjati mill-Ftehim ta’ Sħubija għal Avvenimenti u Inizjattivi fuq Skala Kbira pprovdut mill-Aġenzija Kulturali għall-Belt Valletta fi ħdan il-Ministeru għall-Kultura, l-Artijiet u l-Gvern Lokali. Dan l-avveniment huwa appoġġjat ukoll mill-Awtorità tat-Turiżmu ta’ Malta.
#visitmalta #exploremalta
