Issa fir-raba’ edizzjoni tiegħu, il-Valletta Local Food Festival ikompli jibni fuq is-suċċess tas-snin ta’ qabel, billi jiċċelebra l-wirt kulinari għani Malti. Din is-sena, b’kollaborazzjoni mal-Malta Food Agency, il-festival se jkun qed jittella’ fil-Barrakka ta’ Fuq, u se joffri xelta ta’ prodotti lokali u togħmiet tradizzjonali, billi jlaqqa’ flimkien koki, artiġjani tal-ikel, u produtturi ta’ firxa wiesgħa ta’ oġġetti kulinari inkluż ġobnijiet, chutneys, pasti, ħelu, delicatessen, u xorb, filwaqt li jerġa’ jagħti l-ħajja lill-prodotti bażiċi mill- passat biex nippreservaw il-wirt kulinari tagħna.