Bħala parti mill-programm tal-Milied, il-VCA qed ittella’ prestazzjoni ta’ dwett magħmul minn arpa u kitarra minn Fiona Cauchi (vuċi u kitarra) u Dr Lydia Buttigieg (Arpa).

Il-mużiċisti għandhom ripertorju wiesa’ mfassal b’mod speċjali għal lejla indimentikabbli. Id-dwett se jkun qiegħed idoqq mużika bħal *Perfect* ta’ Ed Sheeran, *Joy to the World* ta’ Isacc Watts, *Oh Christmas Tree* ta’ Ernst Anschutz u *All of You* ta’ John Legend.

Dan l-avveniment huwa parti mill-Programm tal-Milied fil-Belt tal-Aġenzija Kulturali għall-Belt Valletta, li ser iseħħ bejn it-22 ta’ Novembru u l-24 ta’ Diċembru fil-pjazez prinċipali, postijiet strateġiċi u t-toroq pittoreski tal-Belt Valletta. Id-dwal tal-Milied u d-dekorazzjonijiet jistgħu jitgawdew sal-ewwel ġimgħa ta’ Jannar.

Żur [il-paġna ta’ Facebook](https://www.facebook.com/vallettaculturalagency) għal aktar informazzjoni.