Is-700 ċentinarju ta’ Dante Alighieri se jerġa’ jiġi ċċelebrat minn The Strada Stretta Concept, din id-darba permezz ta’ interazzjoni bejn l-għana Maltija u La Divina Commedia ta’ Dante. Battibekki Kontra Dante għandu l-għan li jgħaqqad iż-żewġ kulturi f’viżjoni olistika waħda.

L-approċċ transdixxiplinari li jgħaqqad il-mużika folkloristika ma’ waħda mill-aktar biċċiet importanti ta’ letteratura li qatt inkitbet tippreżenta ġuxtapożizzjoni ta’ dinjiet artistiċi differenti, approċċ li huwa integrali għall-viżjoni tad-direttur artistiku, Giuseppe Schembri Bonaci.