Oażi Kreattiva għal Imħuħ Innovattivi
Il-Valletta Design Cluster qed iħabbar sejħa ġdida għal Sħubija fi Studjo li tistieden individwi innovattivi kif ukoll kumpaniji nano u micro li jaħdmu fil-qasam tad-disinn, biex jingħaqdu ma’ din il-kommunità kreattiva vibranti.
Il-Valletta Design Cluster, li jinsab fil-qalba tal-Belt Valletta, huwa ċentru għal diversi talenti u mħuħ kreattivi. Is-Sejħa għal Sħubija Annwali fi Studjo hija opportunità mill-aqwa biex l-artisti, id-disinjaturi u l-professjonisti kreattivi jsiru parti minn spazju kollaborattiv li jrawwem l-ispirazzjoni u jimbotta l-konfini tal-kreattività.
Is-Sejħa għall-Istudjo hija miftuħa għal individwi f’diversi dixxiplini fosthom dawk relatati mad-disinn, mal-moda, prattiċi maker-based, l-arti viżiva u ħafna oħrajn.
Il-Valletta Design Cluster joffri aktar minn sempliċiment spazju tax-xogħol; dan jipprovdi ambjent dinamiku fejn individwi li jaħsbuha l-istess jistgħu jikkollaboraw, jaqsmu l-ideat, u jidħlu f’komunità li tagħti s-sapport meħtieġ. L-applikanti li jintgħażlu se jiksbu aċċess għal studio privat mill-aktar avvanzat u Makerspace mgħammar bl-aħħar għodod u riżorsi li minnu nnifsu jrawwem ambjent għall-innovazzjoni.
Il-Valletta Design Cluster joffri opportunitajiet ta’ netwerking filwaqt li jospita avvenimenti u workshops regolari. Dan joħloq ukoll diversi possibilitajiet għall-individwi biex jingħaqdu ma’ professjonisti fl-industrija u persuni kreattivi oħrajn.
Dawk l-individwi interessati għandhom ċans sat-12 ta’ Jannar 2024, f’nofsinhar sabiex jissottomettu l-portafoll u l-applikazzjoni tagħhom.
Għal aktar informazzjoni dwar is-Sejħa għal Sħubija fi Studjo u għad-dettalji dwar l-applikazzjoni, żur il-paġna elettronika tal-Valletta Design Cluster.
