Ingħaqad magħna għall-Valletta Local Food Festival 2023!

Gawdi minn xelta wiesgħa ta’ ikel Malti u riħa tfuħ li taqsamlek qalbek – fejn it-tradizzjoni tiltaqa’ mal-innovazzjoni, fil-Valletta Design Cluster. L-ikel mhux biss għas-sostenn iżda huwa wkoll ċelebrazzjoni tal-kultura u l-wirt. Esperjenza l-qalb tal-kultura Maltija permezz tal-ikel u r-riċetti li għaddew minn ġenerazzjoni għall-oħra.

Fil-Valletta Local Food Festival 2023, qed nilqgħu flimkien manifatturi lokali tal-ikel, koki professjonali, u dilettanti tal-ikel li jsajjru mill-qalb, biex niċċelebraw il-maġija tal-gastronomija Maltija. Ingħaqad magħna f’dan il-vjaġġ kulinari mħawwar li jwiegħed li  japprofondixxi l-apprezzament tiegħek għall-arti tal-ikel.

Jekk inti taqalek żaqqek, ejja u esperjenza t-tradizzjoni u l-innovazzjoni, filwaqt li tgawdi minn xi sorpriża jew tnejn! Titlifx din l-okkażjoni li ser tinżel għasel ma’ dawk kollha li ser jattendu u japprezzaw it-togħmiet li jagħmlu lil Malta tassew unika.

Il-Valletta Local Food Festival 2023 jinkludi:

1. Vetrina tal-Gastronomija Maltija: Skopri l-platti uniċi u ħelwin manna li jiddefinixxu l-kċina Maltija, minn ravjul tradizzjonali u torti lokali għal majjal il-forn, u pasti delizzjużi fosthom il-qagħaq tal-għasel, kannoli u imqaret.
2. Dimostrazzjonijiet tat-Tisjir: Il-kelliem mistieden magħruf Renato Briffa se jorganizza dimostrazzjonijiet tat-tisjir, li jipprovdu għarfien dwar il-preparazzjoni tal-kwareżimal, il-Vallettani, il-Biskuttini tar-Raħal u qassatat ħelu, bl-użu ta’ ingredjenti friski lokali.
3. Dewqin tal-Ikel u Xorb: Duq prodotti artiġjanali Maltiin fosthom il-birra, l-inbid, il-ġobon, żjut taż-żebbuġa, qubbajt, chutneys u aktar fil-Bitħa tal-Valletta Design Cluster, fil-Ġnien ta’ fuq il-Bejt u fi Triq San Karlu.
4. Artiġjani u Snajja Lokali: Esplora l-artiġjani lokali, billi toffri oġġetti u prodotti magħmulin bl-idejn li jirrappreżentaw il-wirt kulturali għani tal-Belt Valletta fosthom xemgħat, arti u ġammijiet, tapenades u aktar.
5. Divertiment Live: Gawdu minn mużika live u dimonstrazzjonijiet matul il-festival fejn ser tinħloq atmosfera vibranti u rilassanti għal dawk kollha li jattendu
6. Atmosfera ta’ Familja: Il-Valletta Local Food Festival huwa avveniment għall-familja kollha u hija ħarġa perfetta għal dawk kollha li jħobbu l-ikel.

Immarka l-kalendarju tiegħek u xerred il-kelma – dan huwa avveniment li mhux ta’ min titlef!

Id-dħul huwa B’XEJN!

Dan l-avveniment huwa organizzat mill-Aġenzija Kulturali għall-Belt Valletta u appoġġjat minn Visit Malta.

Għal aktar informazzjoni dwar il-Valletta Local Food Festival 2023 żur il-paġni ta’ Facebook u Instagram.