Dan l-ispazju hu maħsub biex ikun id-dar ta’ kull kreattiv u kull organizzazzjoni li jixtiequ jħallu impatt soċjali pożittiv fuq il-komunità. L-utenti jistgħu jaċċessaw għodod, tagħmir u spazji biex jitgħallmu, jaqsmu l-għarfien tagħhom, u jmexxu l-organizzazzjonijiet tagħhom ‘il quddiem. Kemm jekk studenti jew prattikanti stabbiliti, dawn il-faċilitajiet ġodda huma disponibbli biex jgħinu organizzazzjonijiet relatati mad-disinn biex jissodisfaw l-aspirazzjonijiet tagħhom.
Il-faċilitajiet ewlenin għal prattikanti kulturali u kreattivi huma aċċessibbli permezz ta’ skema ta’ sħubija mmirata biex tipprovdi aċċessibbiltà ekwa għar-riżorsi, li tissalvagwardja s-saħħa u s-sigurtà għall-utenti, u li tiżgura l-immaniġġjar effettiv tal-komunità tal-membri. L-iskema taħdem f’żewġ modi: (a) skema għall-membri regolari u (b) skema għal membri li se jkunu qed jużaw l-istudjows.
L-isħubija regolari hija miftuħa għal individwi u organizzazzjonijiet attivi fis-settur kulturali u kreattiv u attivitajiet relatati mad-disinn, u tipprovdi aċċess għall-faċilitajiet kondiviżi fil-bini, jiġifieri l-ispazju ta’ ko-ħidma, il-makerspace, il-kmamar tal-laqgħat, l-ispazju tal-ikel, u faċilitajiet relatati.
Il-membri bbażati fl-istudjows huma pprovduti bil-faċilitajiet kollha msemmija hawn fuq kif ukoll aċċess esklussiv għal wieħed mill-istudjows fil-Cluster.
Sħubija Regolari hija miftuħa għal NGOs ibbażati fil-Belt Valletta, mikrointrapriżi li jimpjegaw aktar minn individwu wieħed, u organizzazzjonijiet magħmula minn aktar minn individwu wieħed li jindirizzaw prattika tad-disinn, attività kulturali u benesseri soċjali u studenti, filwaqt li s-sħubija fl-istudjows hija miftuħa għall-ewwel tliet kategoriji msemmija.
Għad-dettalji sħaħ u biex tissieħeb żur [il-paġna tal-Valletta Design Cluster](https://www.vca.gov.mt/mt/valletta-design-cluster/our-facility)
