L-ewwel parti tal-wirja se tkun miftuħa għall-pubbliku mill-21 sat-28 ta’ Ġunju 2021 u t-tieni parti se tkun miftuħa mit-2 sat-22 ta’ Lulju 2021. L-ewwel wirja se ssir fi Splendid filwaqt li t-tieni wirja ser titella’ fi Splendid kif ukoll fis-Società Dante Alighieri. ‘Strada Stretta Occupy’ tifforma parti mill-programm The Strada Stretta Concept taħt id-direzzjoni artistika ta’ Giuseppe Schembri Bonaci.
Il-wirja ta’ Ġunju hija kollaborazzjoni bejn l-istudenti tal-Fine Arts tat-tieni u t-tielet sena mid-Dipartiment tal-Arti u l-Istorja tal-Arti fl-Università ta’ Malta. Din se tikkonsisti f’xogħlijiet li jiffukaw fuq diversi approċċi metodoloġiċi tal-pittura li tematikament jiċċentraw madwar id-Divina Commedia ta’ Dante biex ifakkru s-700 anniversarju mill-mewt ta’ Dante.
Il-wirja ta’ Lulju ta’ ‘Strada Stretta Occupy’ by Students se turi l-proġetti tat-teżi mill-istudenti tal-Fine Arts tal-aħħar sena mid-Dipartiment tal-Arti u l-Istorja tal-Arti fl-Università ta’ Malta. L-istudenti kienu qed jirriċerkaw temi individwali li jimpenjaw ruħhom ma’ suġġetti ta’ rilevanza kontemporanja, bħal ma’ huma kwistjonijiet ambjentali kurrenti. Barra minn hekk, il-wirja se tkun ikkurata mill-istudenti nfushom, u tagħtihom l-opportunità li jippreżentaw ix-xogħol tagħhom lill-pubbliku u jimpenjaw ruħhom max-xena artistika lokali.
Id-dħul għaż-żewġ wirjiet huwa b’xejn. Jekk jogħġbok innota li minħabba s-sitwazzjoni attwali, dawk kollha li jattendu għandhom jilbsu maskra u jżommu d-distanza soċjali. Għal aktar informazzjoni dwar l-avveniment u għal aġġornamenti jekk jogħġbok żur il-paġni ta’ [The Strada Stretta Concept](https://www.facebook.com/thestradastrettaconcept) u [tal-Aġenzija Kulturali għall-Belt Valletta](https://www.facebook.com/vallettaculturalagency) fuq Facebook.
