L-Aġenzija Kulturali għall-Belt Valletta żvelat l-installazzjoni il-ġdida tagħha fil-qalba ta’ Triq in-Nofsinhar.
L-installazzjoni, bl-isem ‘Il-Bejta’ tinkorpora l-kunċett ta’ individwi diversi li jeżistu flimkien fis-soċjetà. Kull persuna hija distinta, awtonoma, u mimlija karatteristiċi uniċi. Madankollu, huma kollha interkonnessi billi jaqsmu l-istess ambjent, irawmu u jinfluwenzaw lil xulxin. Kollettivament, huma jsawru u jimbuttaw lis-soċjetà lejn il-progress u l-iżvilupp. Dan il-kunċett jestendi biex jinkludi l-pożizzjoni ta’ diversi pajjiżi, kontinenti, u anke d-dinja fi ħdan il-firxa vasta tal-univers.
