Dan qed jiġi organizzat flimkien mal-iskola tat-teatru u l-film f’Malta “World of Harmony”.
Din hija t-tielet darba li l-Festival qed jittella’ f’Malta, u l-ewwel darba li ser ikun qed isir ġewwa The Splendid ġewwa Strada Stretta u postijiet oħra qrib li jinkludu City Theatre fi Triq l-Ifran, il-Belt Valletta.
Dan il-festival ġie maħluq minn membri tal-komunità li titkellem ir-Russu, speċifikament għat-tfal u ż-żgħażagħ. L-għan tal-Festival huwa li jingħaqdu ż-żgħażagħ biex irawwmu l-kreattività tagħhom kif ukoll biex jiżviluppaw forom ġodda ta’ teatru u ċinema.
Iċ-ċentru edukattiv “World of Harmony” Skola tal-Film u t-Teatru f’Malta, organizzat diversi attivitajiet eċċitanti għal dawk kollha li jattendu matul it-tlett ijiem. Dawn l-attivitajiet jinkludu l-opportunità li joħolqu l-films tagħhom li mbagħad jintwerew f’serata professjonali ta’ wiri ta’ films, fit-30 ta’ Novembru, ġewwa The Splendid. Fil-31 ta’ Novembru, ser issir mixja ggwidata madwar il-Belt għall-parteċipanti li fiha ser tiġi spjegata l-istorja teatrali tal-Belt. Fl-aħħar jum tal-Festival, il-parteċipanti ser ikollhom l-opportunità li juru l-films tagħhom f’City Theatre.
Il-programm dettaljat tal-Festival ser ikun ppubblikat fuq il-[paġna tal-attività fuq Facebook](https://fb.me/e/cb4pXgJiw). Biex insegwu l-miżuri li qiegħdin fis-seħħ sabiex tiġi kkontrollata l-imxija tal-Covid 19, dawk kollha li jattendu l-Festival għandhom jilbsu l-maskra f’kull ħin. In-numru tal-membri tal-udjenza huwa limitat u ser ikun fuq bażi ta’ first come, first served. Ir-restrizzjonijiet jaf jiżdiedu hekk kif jiġi indikat mill-awtoritajiet.
Għal aktar informazzjoni żur il-paġna ta’ Strada Stretta Concept u l-Valletta Cultural Agency fuq Facebook.
