L-Aġenzija Kulturali għall-Belt Valletta bi pjaċir tippreżenta kunċert tar-Requiem ta’ Verdi, bil-parteċipazzjoni tal-Kor tal-Accademia Nazionale di Santa Cecilia minn Ruma.

Magħmula minn 60 korist, din l-istituzzjoni Taljana ta’ eċċellenza tingħaqad mal-Malta Philharmonic Orchestra u KorMalta għal serata mużikali li tagħti l-ħajja lill-kapolavur etern ta’ Verdi.

Din il-kollaborazzjoni mużikali indimentikabbli tinsab taħt it-tmexxija tal-Maestro Pier Giorgio Morandi, u bil-parteċipazzjoni tas-solisti internazzjonali Anna Pirozzi u John Lundgren, u s-solisti lokali Marvic Monreal u Alan Sciberras.