Il-kuratur Joseph P. Smith għażel serje ta’ ritratti li kienu rivoluzzjonarji fil-kontemporanjetà tagħhom, ġew ippubblikati f’pubblikazzjonijiet ikoniċi jew laħqu l-quċċata fl-aħbarijiet. Uħud huma parti mill-Kollezzjonijiet Nazzjonali ta’ Malta u tal-Istati Uniti, filwaqt li oħrajn ġew esibiti f’galleriji tal-arti u biennali prestiġġjużi bħal ma huma n-National Portrait Gallery f’Londra u l-Ostrale ġewwa Dresden.
Dan il-proġett inħoloq u qed jiġi prodott mill-Aġenzija Kulturali għall-Belt Valletta f’kollaborazzjoni mal-Kunsill Lokali tal-Belt Valletta.
