Opera in the City – The Three Tenors huwa kunċert annwali fil-programm tal-Aġenzija Kulturali għall-Belt Valletta bis-sehem tat-tliet tenuri Maltin ta’ fama internazzjonali, Nico Darmanin, Cliff Zammit Stevens u Alan Sciberras akkumpanjati mill-Malta Philharmonic Orchestra.

Opera in the City – The Three Tenors joffri serata ta’ melodiji famużi mad-dinja kollha u dan huwa t-tielet kunċert mis-serje li qed jittella’ wara s-suċċess tal-ewwel u t-tieni edizzjoni. Ir-ripertorju tas-serata huwa wieħed mill-iktar melodiċi u jinkludi bosta siltiet popolari minn dawn it-tliet tenuri b’vuċijiet uniċi u partikolari ħafna. Dan il-kunċert joffri mhux vuċi waħda iżda tliet vuċijiet mill-aqwa, flimkien mal-MPO, li ser jeżegwixxu uħud mill-aqwa arji u siltiet oħra li żgur jinżlu għasel mal-udjenza.

Filwaqt li l-biljetti huma limitati, dan il-kunċert qed jittella’ fuq skala akbar mis-soltu fi Pjazza San Ġorġ bil-biljetti għall-postijiet bilqegħda. Ser ikun hemm ukoll żona b’aċċess miftuħ u mingħajr ħlas, għal min jixtieq joqgħod bilwieqfa. Biljetti minn [showshappening.com](https://www.showshappening.com/Valletta-Cultural-Agency/The-Three-Tenors).