start date
map icon

Splendid Beethoven at Splendid

01/01/1970

Splendid Beethoven at Splendid

The Strada Stretta Concept, parti mill-Aġenzija Kulturali għall-Belt Valletta, qed jorganizza il-kunċert Splendid Beethoven at Splendid fis-6 u s-7 ta’ Settembru, fis-19.30, ġewwa ‘The Splendid’ fi Strada Stretta. Dan l-avveniment fuq jumejn se jikkonsisti f’kunċert minn wieħed mill-aktar mużiċisti bravi Maltin, il-pjanista u s-surmast Brian Schembri. Minħabba r-restrizzjonijiet marbuta mal-Covid-19, Splendid Beethoven at Splendid se jsir f’żewġt iljieli separati għal udjenza limitata.
 
Fl-okkażjoni tal-250 sena anniversarju mit-twelid ta’ Ludwig van Beethoven, Brian Schembri se jkun qed jippreżenta x-xogħol ikoniku ta’ Beethoven, il-Piano Sonata No. 29.
 
Große Sonate für das Hammerklavier, magħruf ukoll sempliċement bħala l-Hammerklavier, dan huwa wieħed mill-aktar xogħlijiet magħrufa ta’ Beethoven, u ta’ sfida kemm għall-mużiċist kif ukoll għall-pubbliku, minħabba d-densità tal-ħsieb li jinvolvi u l-ħila teknika meħtieġa biex tindaqq din il-biċċa. Mhux sorpriża li meta x-xogħol kien inizjalment ippubblikat fi Vjenna, x-xogħol ġie deskritt bħala “perfezzjoni artistika”.
 
Bil-viżjoni tad-Direttur Artistiku, il-Professur Giuseppe Schembri Bonaci, Strada Stretta Concept jirnexxielu jgħaqqad flimkien id-dinja tal-kultura għolja mal-aċċessibilità tal-kultura popolari. Dan l-approċċ ser jerġa’ jintuża sabiex l-udjenza jkollha l-opportunità li tisma’ l-preżentazzjoni ta’ dan il-kapolavur minn Brian Schembri f’ambjent każwali iżda intimu, għall-kuntrarju tal-ambjent tipiku ta’ sala ppakkjata għal kunċert formali.
 
Għal aktar informazzjoni, segwi l-paġni ta’ Facebook ta’ The Strada Stretta Concept u Valletta Cultural Agency. Jekk jogħġbok innota li minħabba r-restrizzjonijiet preżenti, mhux aktar minn 13-il persuna se jitħallew jattendu għall-prestazzjoni. Il-maskri għandhom jintlibsu ġewwa għat-tul kollu tal-prestazzjoni. Dħul huwa fuq bażi ‘first come first served’, u bla ħlas.

Event Spaker:

Led by the award-winning author of 100 Conversations for Career Success, and CEO of the career management firm.

Executive XpeedStudio LLC

Sr. Engineer XpeedStudio LLC

Product Lead XpeedStudio LLC

Share on Social

Related Events

A photo showing a spiral staircase
Architecture

Music and Architecture by James Dingli and Mark Cauchi

21/11/2025
Valletta Design Cluster

James Dingli u Mark Cauchi jesploraw il-konnessjonijiet bejn

A scene from TISBIT, a dynamic percussion concert by The Clef House students, featuring a mix of percussionists, a rhythm section, and guest singers, under the direction of Michael Camilleri at Teatru Manoel.
Music

Tisbit

06/06/2025

Esperjenza r-ritmi innovattivi ta' TISBIT, kunċert dinamiku tal-perkussjoni

Tenors Alan Sciberras and Cliff Zammit Stevens perform opera at St George’s Square during Opera in the Capital.
Music

Opera in the Capital 2025

06/09/2025
Pjazza San Ġorġ, Valletta

Opera in the Capital għal darb’oħra jwiegħed prestazzjoni