F’Opera in the City, it-tenur internazzjonali Malti Nico Darmanin u s-sopran Nadia Vella, akkumpanjati minn Sofia Narmania fuq il-pjanu, ser joħduna fuq vjaġġ klassiku tal-akbar u l-aktar siltiet operistiċi u arji famużi li jvarjaw minn Donizetti sa Verdi u Puccini.

Minħabba l-miżuri ta’ mitigazzjoni ta’ kontra l-COVID-19, int ġentilment mitlub tibgħat email fuq info@vca.gov.mt biex tirriserva postok f’din l-attività. Il-postijiet huma limitati. Il-biljetti huma bla ħlas.

Dan l-aveniment ser jittella’ f’Pjazza Reġina u huwa parti mill-Programm Milied fil-Belt tal-Aġenzija Kultuarli għall-Belt Valletta, li ser iseħħ bejn it-8 u l-24 ta’ Diċembru fil-pjazez prinċipali, postijiet strateġiċi u t-toroq pittoreski rtal-Belt Valletta. Id-dwal tal-Milied u d-dekorazzjonijiet jistgħu jitgawdew mil-20 ta’ Novembru sal-ewwel ġimgħa ta’ Jannar.

Żur il-paġna ta’ Facebook jew il-websajt tal-aġenzija (www.vca.gov.mt) għall-programm sħiħ.