L-edizzjoni ta’ din is-sena, kkurata mill-komunità tinkludi temi varji fosthom films klassiċi u moderni, animazzjoni u films għall-familja. L-Aġenzija Kulturali għall-Belt Valletta stiednet membri tal-udjenza biex isiru parteċipanti attivi f’dan l-avveniment ta’ wiri tal-films li issa qed jidħol fil-kalendarju annwali tal-Belt Valletta. Il-voluntiera jintalbu jaraw numru ta’ films li jaqgħu taħt ġeneri differenti u minnhom jiġu magħżula l-ħames films li se jintwerew.

L-udjenza tista’ tgawdi dan il-wiri ta’ films fil-miftuħ, mingħajr ħlas.