A Night for Music with John Lundgren żżewweġ il-vuċi b’saħħitha ta’ John Lundgren u t-teknika tal-pjanista Sofia Narmania fi vjaġġ mużikali permezz tax-xogħlijiet tal-kompożituri kbar tal-epoki klassiċi u romantiċi fosthom Mozart, Wagner, Bizet u Rangströma, fl-atmosfera eleganti tal-Ballroom tal-Kazin Malti.

**John Lundgren **

John Lundgren huwa baritonu drammatiku u artist versatili. Hu jgħaqqad il-vuċi qawwija tiegħu ma’ sensittività raffinata għar-repertorju tal-opra drammatika.
L-ingaġġi bħala mistieden ħadu lill-baritonu Żvediż f’teatri tal-opra importanti bħal Londra, Munich, Berlin, Stockholm, Zürich, Geneva, Dresden, Hamburg, Leipzig, Amsterdam, Gothenburg, Oslo, Beijing u Tokyo kif ukoll il-Fesitvals ta’ Bregenz u Bayreuth.
Ir-repertorju tiegħu jinkludi rwoli bħal Scarpia (Tosca), Jack Rance (Fanciulla del West), Alberich/Wotan (Der Ring des Nibelungen), Telramund (Lohengrin), Amfortas (Parsifal), Barak (Die Frau ohne Schatten), Jochanaan (Salome), Don Pizarro (Fidelio), Tomski (Pique Dame), u l-parti ewlenija f’ Der fliegende Holländer, fi Bluebeard’s Castle ta’ Béla Bartók u Nabucco. L-aktar partijiet importanti tal-istaġun li għadda jinkludu l-Wagner-Gala ma’ Nina Stemme u l-Orkestra tas-Sinfonija tat-Tasmanjana, Simone (Traġedja Fjorentina)/ Tonio (Pagliacci) f’Oviedo,“Bluebeard’s Castle” fl-Opra tal-Istat tal-Bavarja, Don Pizarro (Fidelio) fuq tour mal-Orkestra tal-Kamra Svediża, Ruprecht (The Fiery Angel) fi Vjenna, Alberich fil-Bayreuth Ring il-ġdid u d-debutt tiegħu bħala Hans Sachs.